महादेवटार विद्यालयमा नमुना मतदानको अभ्यास

राप्ती ,जेठ २० – चितवनको राप्ति नगरपालिका-०१,पिप्लेस्थित श्री राष्ट्रिय माध्यामिक विद्यालय महादेवटारमा नमुना मतदानको अभ्यास सम्पन्न भएको छ। शुक्रबार सो विद्यालयमा आयोजित नमुना मतदानमा उम्मेदवारहरुलाई भोट माग्ने व्यवस्था समेत मिलाइएको प्रधानाध्यापक हरि प्रसाद उप्रेतीले जानकारी दिए ।विद्यालयले तयार गरेको नमुना मतपत्रमा विद्यार्थीहरुले छाप लगाएर मतपेटिकामा खसाल्ने व्यवस्था समेत गरिएको उनले बताए ।स्थानीय, प्रदेश र संसदीय निर्वाचनको झल्कोदिने गरी तयारी गरिएको नमुना मतदानमा विद्यार्थीहरु लाइनमा बसेर मतपत्र लिने, गोप्य कोठामा गएर मत हाल्ने र पेटिकामा खसाल्ने व्यवस्था मिलाइएको सहायक प्रधानाध्यापक तारामाया पाठकले बताउनुभयो । 

बिषयगत रुपमा पढेका कुराहरुलाई व्यवहारिक रुपमा अभ्यास गराउन कार्यक्रम गरिएको उनको भनाई छ ।सो विद्यालयमा अध्ययनरत कक्षा ४ देखि १० सम्मका विद्यार्थी सहभागी सो मतदानमा उम्मेदवारहरुलाई भोट माग्ने व्यवस्था समेत मिलाइएको थियो।जस अन्तर्गत, स्कुल क्याप्टेनमा कक्षा १० का जीबि तामाङ,स्कुल सहायक क्याप्टेनमा कक्षा १० बाट सोमिका वाइबा निर्वाचित भएका छन।

त्यस्तै,रातो सदन क्याप्टेनमा कक्षा ८ का गौरव कँडेल,रातो सदन सहायक क्याप्टेनमा कक्षा ८ कि जानकी रेग्मी,निलो सदन क्याप्टेनमा कक्षा ९ कि कुमारी स्याङ्बो,निलो सदन सहायक क्याप्टेनमा कक्षा ७ का सिसिर स्याङतान,पहेँलो सदन क्याप्टेनमा कक्षा ९ कि निशा तामाङ,पहेँलो सदन सहायक क्याप्टेनमा कक्षा ९ का प्रीतम गुरुङ,हरियो सदन क्याप्टेनमा कक्षा ९ कि अस्मिता तामाङ र हरियो सदन सहायक क्याप्टेनमा कक्षा ८ का रूपक थिङ निर्वाचित भएका छन।

नमुना मतदानमा विद्यालयले तयार गरेको नमुना मतपत्रमा विद्यार्थीहरुले छाप लगाएर मतपेटिकामा खसाल्ने व्यवस्था समेत मिलाइएको थियो ।स्थानीय, प्रदेश र संसदीय निर्वाचनको झल्कोदिने गरी तयारी गरिएको नमुना मतदानमा विद्यार्थीहरु लाइनमा बसेर मतपत्र लिने, गोप्य कोठामा गएर मत हाल्ने र पेटिकामा खसाल्ने व्यवस्था मिलाइएको अतिरिक्त कृयाकलाप प्रमुख सुशील थापाले जानकारी गराउनुभयो।