चलचित्र ‘म यस्तो गीत गाउँछु २’ को गीत युट्युबको ट्रेन्डिङको एक नम्बरमा

पूजा शर्मा र पल शाहको मुख्य भूमिका रहेको चलचित्र ‘म यस्तो गीत गाउँछु २’ को गीत युट्युबको ट्रेन्डिङको एक नम्बरमा पर्न सफल भएको छ । गत बिहीबार सार्वजनिक भएको गीतलाई चार दिन मै १४ लाख बढिले हेरिसकेका छन् ।

गीतलाई ८० हजारले लाईक गरेका छन् भने करिब ९ हजारले प्रतिक्रिया दिएका छन् । गीतलाई अधिकांशले मन पराएका छन् ।

चलचित्रको पहिलो गीत ‘तिम्रो घरको वरिपरि’मा सोनम तोप्देन र अस्मिता अधिकारीको स्वर रहेको छ । गीतमा अहिलेका चर्चित सङ्गीतकार अर्जुन पोखरेलको शब्द तथा सङ्गीत रहेको छ । भिडियो हेनुहोस तल्ल

नेपाल र भारतको सिमानामा पर्ने सन्दकपुर गाउँ, पानीटारको चियाबारी, इलाम, पाँचथर लगायतका स्थानमा खिचिएको गीतको भिडियोमा पल र पूजा रोमान्टिक अवतारमा प्रस्तुत भएका छन् । सात दिन लगाएर खिचिएको रोमान्टिक गीतमा पाँच सयभन्दा बढी कोरसको नृत्य देख्न सकिन्छ । सुदर्शन थापा र पूजा शर्मा निर्माता रहेको ‘म यस्तो गीत गाउँछु २’ फागुन २३ मा रिलिज हुनेछ ।