काठमाडौं, मंसिर १९ गते ।
सागअन्तर्गत साइक्लिङको दोश्रो दिन पनि नेपालले दुई स्वर्ण जितेको छ । पहिलो दिन बुधबार डाउनहिलमा नेपालले दुई स्वर्ण जितेको थियो । डाउनहिलको पुरुषमा राजेश मगर र महिलामा निश्मा श्रेष्ठले पहिलो दिन नेपाललाई स्वर्ण दिलाएका थिए ।
गोकर्णस्थित सहिद पार्कमा भएको पुरुष क्रसकन्ट्रीको २० किलोमिटर दूरीमा नेपालका बुद्धिबहादुर तामाङले स्वर्ण जिते । उनले निर्धारित दूरी १ घण्टा १९ मिनेट ०८ सेकेन्डमा पूरा गरे । पदक क्लिन स्विप गर्ने क्रममा नेपालले रजत र कांस्य पनि हात पा¥यो । १ घण्टा १९ मिनेट ४० सेकेन्डमा राजीव राई दोश्रो तथा १ घण्टा २१ मिनेटमा ओकश वज्राचार्य तेश्रो भए ।
महिलातर्फ १६ किलोमिटरमा दूरी नेपालकी लक्ष्मी मगर पहिलो भइन्् । लक्ष्मीले १ घण्टा २० मिनेट २० सेकेन्ड समय खर्चिन्् । नेपालकै उषा खनाल (१ घण्टा ३५ मिनेट ५२ सेकेन्ड) दोश्रो तथा भारतकी प्रणिता प्रफुल (१ घण्टा ३६ मिनेट २९ सेकेन्ड) मा तेश्रो भए ।
Discussion about this post