लुगा सिएर जिविको पार्जन गर्ने दिनाको फोक्सोमा क्यान्सर

खगेन्द्र दाहाल, नेपालगन्ज १७ कार्तिक ।

तिन महिना अघि लुगा सिउन भ्याई नभ्याई थियो दिना परियारलाई । दिनाको हात परेपछि कपडा विग्रदैन भन्ने विस्वास उनले दिलाईसकेकी थिइन । २४ वर्षकी दिनाले कपडा सिलाई गरेरै घर खर्च चलाउने गरेकी थिइन । उनका दाई गणेस बैदेशिक रोजगारीमा ओमानमा छन । दाईले कमाएर पठाएको पैसा केहि भएपनि जम्मा भएको थियो । एक्कासी दिना विरामी परिन् । उनको उपचार सुरुमा नेपालगन्ज शिक्षण अस्पतालमा चल्यो । नेपालगन्जमा ७ दिन सम्म आइसियुमा राख्दा समेत डाक्टरले रोग नै पत्ता लगाउन सकेनन् । रोग पत्ता नलागेपछि नेपालगन्ज शिक्षण अस्पतालले उपचार गर्न नसक्ने भनेर काठमाडौ पठायो । दिनालाई काठमाडाकोै विर अस्पतालमा पु¥याइएको थियो । दश दिन विर अस्पतालमा राखियो तर विरामी दिनाको अवस्थामा सुधार आएन ।

उनलाई झन झन विरामीले च्याप्दै गयो तर रोग पत्ता भने विर अस्पतालले पनि लगाउन सकेन । अस्पतालले पनि हामी उपचार गर्न सक्दैनौ भनेपछि अहिले काठमाडौकै मनमोहन अस्पतालले उनको फोक्सोमा क्यान्सर रोग भएको पत्ता लगायो । अन्त्यमा आएर फोक्सोमा क्यान्सर भएको थाहा भएपछि उनको घरमा रुवाबासी नै चलेको छ । तिन महिनाको अवधिमा उनको उपचारको लागी ३ लाख भन्दा बढि खर्च भैसकेको छ । सामान्य परिवार रहेको दिनाको उपचार गराउन अहिले आर्थिक अभाव भएको छ । फोक्सोमा क्यान्सर भएपछि उनको उपचारमा थप धेरै आर्थिक रकम चाहिने भएकाले दिनाले आफ्नो जिवन बचाइदिन आग्रह गरेकी छन । क्यान्सर पिडित दिना परियारले आफु निको भए पुनः लुगा सिउने व्यवसाय गर्ने इच्छा व्यक्त गरिन । उनलाई अहिले काठमाडौमा बुवा र भाईले रेखदेख गरिरहेका छन भने आमाले घर र पसल हेरिहहेकी छन ।