गरिब परिवारका छोरामाथि सामूहिक कुटपिट — आमा न्यायका लागि गुहार

एक आमाले आफ्ना छोरामाथि गरिएको सामूहिक कुटपिटको घटना सार्वजनिक गर्दै न्यायको माग गरेकी छन्। सामाजिक सञ्जालमा तीव्र रूपमा फैलिएको भिडियो र तस्वीरमा देखिएअनुसार, करिब पाँचजनाको समूहले एक युवकमाथि कुटपिट गरेको आरोप लगाइएको छ।

पीडित युवकका अनुसार, उनी एकल आमाका एक मात्र सहारा हुन्। उनी सामाजिक सञ्जालमा Content Creator ARK का नामले परिचित छन् र पछिल्लो समय नेकपा एमालेको गतिविधि र नेताहरूसम्बन्धी आलोचनात्मक सामग्री बनाएको कारण आफूलाई निशाना बनाइएको दाबी गरेका छन्।

पीडितले बताएका छन्—
“मलाई भेट्न बोलाइयो, अनि पाँच-पाँच जनाले कुटे। अरूको छोरालाई दु:ख दिएर आफू खुसी भएको होला, तर भगवानले सबै देखिरहनुभएको छ।”

यसैबीच, उनका आमाले रोइरहेको भिडियोले धेरैलाई स्तब्ध बनाएको छ। उनले भावुक हुँदै भनिन्—
“मेरो छोराले के गल्ती गरेको थियो र पाँच–पाँच जना मिलेर कुट्नु परेको? हुने खानेलाई कानुन लाग्दैन, गरिबलाई न्याय छैन। न्याय मरेको देश भयो।”

घटनासम्बन्धी औपचारिक उजुरी दर्ता भएको/नभएको विषयमा भने अहिलेसम्म स्पष्ट जानकारी आइसकेको छैन। स्थानीय निकाय तथा सुरक्षातन्त्रलाई यस घटनाबारे छानबिन गर्न जनस्तरबाट माग बढ्दो छ।

सामाजिक सञ्जालमा धेरैले अभिव्यक्ति स्वतन्त्रता माथिका यस्ता आक्रमणहरू चिन्ताजनक भएको प्रतिक्रिया दिएका छन्।