दयाहाङ र प्रकृति श्रेष्ठको चलचित्र ‘बिहे पास’ बैशाख १ आउने

अभिनेता दयाहाङ राई र अभिनेत्री प्रकृति श्रेष्ठ अभिनीत चलचित्र ‘बिहे पास’ बैशाख १ गते बाट प्रदर्शन आउने भएको छ् । चलचित्रलाई प्रवेश पौडेलले निर्देशन गरेका हुन भने चलचित्रमा दयाहाङ र प्रकृति श्रेष्ठ अलवा रविन्द्र झा, बुद्धि तामाङ, शिशिर बाङ्गदेल श्याम राई, विहाल पहारी, सुवास गजुरेल, हिउँवाला गौतम, रुषा न्यौपाने, प्रकाश भुजेल, नविन शेरचनको पनि अभिनय छ ।

निर्माण टिमले चलचित्रको दुईवाटा पोस्टर सार्वजनिक गर्दै प्रदर्शन मिती तय गरेको हो । सार्वजनिक पोस्टरमा दया र प्रकृति गालामा रेडिमेड माला लगाएर नवविवाहित दुलहा-दुलहीको रुपमा चित्रित छन् भने अर्को पोस्टरमा उनीहरुसँगै रविन्द्र झा, बुद्धि तामाङ, शिशिर बाङ्गदेल फिचर छन् ।

आरआर फिल्म प्रोडक्सनको ब्यानरमा निर्माण भएको चलचित्रमा रोहित कट्टेल प्रस्तुतकर्ता र रत्न श्रेष्ठ कार्यकारी निर्मातामा छन् । रोजन श्रेष्ठ निर्माता रहेको चलचित्रको सह-निर्मातामा ग्याल्जेन लामा र बालकृष्ण पाख्रिन छन् । मित्र देव गुरुङको सम्पादन, डिबी खनालको गीत रचना, प्रवेश मलिकको संगीत, मर्रे केर, अकाश बराल, साजन काफ्लेको कथा,पटकथा तथा संवाद रहेको छ् ।

चलचित्र ‘बिहे पास’ सँगै दाँयाहाङ राई र् मिरुना मगरको मुख्य भूमिका रहेको चलचित्र ‘जारी’ पनि प्रदर्शनमा आउने भएको छ् । अब बैशाख १ मा दयाहाङको भिडन्त आफ्नै चलचित्र सँग हुने छ् । ‘जारी’ निर्माण टिमले एक पोस्टर सार्वजनिक गर्दै बैशाख १ लाई नै प्रदर्शन तोकेको हो ।

नेपालको लिम्बू समुदायको सुन्दर प्रेमकहानीमा बनेको फिल्मले एक व्यक्तिको यस्तो कहानी भन्छ, जो आफ्नो श्रीमती फिर्ता ल्याउन संघर्ष गर्छ । जारी प्रथामाथि आधारित रहेको चलचित्रमा विजय बराल, रोयदीप श्रेष्ठ, रेखा लिम्बू, कमलमणी नेपाल, पुष्कर गुरुङलगायतको पनि अभिनय छ ।

चलचित्रका निर्देशक उपेन्द्र सुब्बा रहेकाछन भने निर्माता रामबाबु गुरुङ हुन । यस अघी यो टिमले रेकर्डब्रेक फिल्म ‘कबड्डी ४’मा एकसाथ काम गरेका थिए ।