प्रकाश र सुजिताको गीतमा पल र साक्षी ‘सोल्टा सोल्टीनी’ (भिडियो सहित)

काठमाडौ । गायक, संगीतकार तथा गीतकार प्रकाश तामाङ तितुङ र भ्वाइस अफ नेपाल सिजन ३ बाट चर्चामा आएकी गायिका सुजिता योन्जनको स्वरमा ‘सोल्टा सोल्टीनी’ बोलको गीत सार्वजनिक भएको छ । यस गीतमा शब्द र संगीत पनि प्रकाशकै रहेको छ । फनिन्द्र राईले एरेञ्ज गरेको गीतमा सुमन खड्काको मिक्सिङ मास्टरिङ रहेको छ ।
‘सोल्टा सोल्टीनी’ गीतको म्युजिक भिडियोमा रियल हिरो अभिनेता पल शाह र मोडल साक्षी लम्सालको अभिनय रहेको छ । साथमा प्रिया प्रधान, आकांक्षा तामाङ र सिता प्याकुरेको पनि अभिनय रहेको छ ।
चर्चित निर्देशक जिवन थापाले निर्देशन गरेको भिडियोमा पल र साक्षी सोल्टा, सोल्टीनी बनेका छन् । पल र साक्षीको विभिन्न स्टेप डान्स सहित रोमान्सपनि यस भिडियोमा देख्न सकिन्छ । यस म्युजिक भिडियोमा निर्देशनसंगै सम्पादन र कलरपनि निर्देशक जिवनकै रहेको छ, भने दिर्घ गुरुङको छायांकन रहेको छ । यो गीत मोक्तान डिजिटल युट्युव च्यानलमा रहेको छ ।