स्वास्थ्य सेवा ऐन बनाउने तयारीमा खजुरा

स्वास्थ्य सेवा ऐन बनाउने तयारीमा खजुरा
खगेन्द्र दाहाल ः बाँकेको खजुरा गाउँपालिकाले स्वास्थ्य सेवा ऐन बनाउने भएको छ । स्वास्थ्य निति तथा ऐन सम्बन्धी आज सरोकारवालाहरुसगं छलफल गर्दै गाउँपालिकाले स्वास्थ्य निति बनाउने निकष्र्षमा पुगेको हो । स्वास्थ्य ऐन अति आवश्यक रहेको भन्दै गाउँपालिकाका अध्यक्ष किस्मत कुमार कक्षपतिले निति माथि टेकेर ऐन बनाइने उल्लेख गर्नुभयो । स्वास्थ शाखाको आयोजनामा भएको छलफल कार्यक्रममा स्वास्थ्य तथा सरसफाई नीति निर्माणको प्रक्रियामा रहेको भन्दै नीति सगै ऐन बनाउनुन पर्नेमा कार्यक्रममा बोल्ने सहभागिहरुले जोड दिएका थिए । खजुरा गाउँपालिकाले बनाएको नितिलाई अध्ययन गरि आवश्यकता अनुसार संसोधन गरि स्वास्थ्य सेवा ऐन बनाउनका लागी ऐन निर्माण तथा नीति अध्ययन समिति गठन समेत गरिएको छ ।

ऐन निर्माण तथा नीति अध्ययन समितिमा कार्यपालिका सदस्य योगमाया खनालको संयोजकमा ६ सदस्यि समिति गठन गरिएको हो । समितिको सदस्यमा स्वास्थ्य शाखा प्रमुख सुदिप पौडेल, शुसिल कोइराला प्रखर क्यान्सर अस्पतालका कार्याकारी निर्देशक कृष्ण आचार्य, शिक्षा शाखा प्रमुख खगेन्द्र मल्ल, सुचना अधिकृत सुरेश साहु, वडा नम्बर २ का वडाध्यक्ष देविलाल खनाल, कानुनि सल्लाहकार विकास आचार्यलाई चयन गरिएको छ । समितिको सल्लाहकारमा स्वास्थ्यका लागी सक्षम प्रणालि परियोजनाका रामहरी अधिकारी, जिल्ला स्वास्थ्य कार्यालयका प्रमुख धिरजंग शाहलाई चयन गरिएको छ । सामाजिक विकास संयोजक फत्तेकुमारी जैसीको अध्यक्षतामा भएको छलफल कार्यक्रममा प्रमुख प्रशासकिय अधिकृत मणिराम खराल, कृषि शाखा प्रमुख पुनम पोखरेल, शिक्षक, ८ वटै वडाका वडाध्यक्ष, कार्यपालिका सदस्य, लेखा अधिकृत प्रदिप सुनार, स्वास्थ्यकर्मि लगाएतको उपस्थिती रहेको थियो ।