डाइभर्सन बगाउँदा पूर्व–पश्चिम लोकमार्ग अवरुद्ध

झापा, जेठ १८ — झापाको मेचीनगर नगरपालिका–६ स्थित कालिखोलामा आएको बाढीले डाइभर्सन बगाएपछि पूर्व–पश्चिम लोकमार्ग पूर्ण रूपमा अवरुद्ध भएको छ।

शनिबार बिहानदेखि लगातार परेको अविरल वर्षाका कारण कालिखोलामा पानीको सतह उच्च भएपछि अस्थायी रुपमा निर्माण गरिएको डाइभर्सन बगाएको हो। डाइभर्सन बगाएपछि सवारी आवागमन ठप्प भएको र यात्रुहरू बीच बाटोमै अलपत्र परेका छन्।

प्रहरीका अनुसार डाइभर्सन पुनः निर्माण नगरेसम्म सडक सञ्चालन सम्भव नहुने देखिएको छ। स्थानीय प्रशासन र सडक विभागको टोली घटनास्थलमा पुगेर अवस्थाको अध्ययन गरिरहेको जनाइएको छ।

यस क्षेत्रबाट दैनिक सयौं सवारी साधनहरू ओहोरदोहोर गर्ने भएकाले लोकमार्ग अवरुद्ध हुँदा सवारी चालक र यात्रुहरूलाई ठूलो कठिनाइ भएको छ।