प्रदेश १ मा ४६३ कोरोनामुक्त, ४२९ संक्रमित थपिए

इटहरी । प्रदेश १ मा मंगलबार ४६३ जना कोराना भाइरस संक्रमणमुक्त भएका छन् । संक्रमणमुक्त हुनेमा २१३ महिला र २५० पुरुष छन् । योसहित हालसम्म संक्रमणमुक्त हुनेको संख्या ६२ हजार ४७१ पुगेको सामाजिक विकास मन्त्रालयले जनाएको छ । 

यस्तै, प्रदेश १ मा मंगलबार ४२९ जना कोरोना संक्रमित थपिएका छन् । १ हजार २९८ जनाको पीसीआर परीक्षण गर्दा २०४ महिला र २२५ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ । 

संक्रमित हुनेमा सुनसरीका १६०, मोरङका १२२,  झापाका ९७, धनकुटाका १७, इलामका ८, उदयपुरका ६, संखुवासभा, भोजपुर र खोटाङका २–२, पाँचथर, ताप्लेजुङ र तेह्रथुमका १–१ र प्रदेश १ बाहिरका १० जना छन् । 

सुनसरीमा थपिएका संक्रमितमध्ये धरानका ७४, इटहरीका ६३, रामधुनीका ६, बराहक्षेत्रका ४,  दुहबी र गढीका २–२, कोशी, हरिनगर, भोक्राहा नरसिंह र बर्जुका १–१ र स्थानीय तह नखुलेका ५ जना छन् ।

मंगलबार थपिएकासहित प्रदेश १ मा कोरोना संक्रमितको संख्या ७१ हजार ३०१ पुगेको छ । सक्रिय संक्रमितको संख्या ७ हजार ६१४ मा झरेको छ ।