इटहरी उपमहानगरले इटहरीमा रहेका सडक वालवालिकाको पीसीआर परीक्षण गर्ने भएको छ । इटहरी उपमहानगरपालिकाकी उपप्रमुख लक्ष्मी गौतम को अध्यक्षतामा सडक बालबालिकाको दीगो ब्यबस्थापन का बारेमा भएको छलफलमा यस्तो निर्णय गरिएको हो । उपमहानगर ,इलाका प्रहरी कार्यलय, भ्वाइसफ चिल्ड्रेन ,उद्योग बाणिज्य संघ, नागरिक समाज, मायाघर नेपाल,श्रमिक महिला साझा मञ्च लगायत सरोकार वाला संघ सस्था हरु का प्रतिनिधिहरु को सहभागितामा छलफल भएको हो ।
इटहरीका सडकमा सडक वालवालिका देखिए उपमहानगर र इलाका प्रहरीमा खवर गरेर भ्वाइस अफ चिल्ड्रेनमा राख्ने निर्णय गरिएको छ । बिगत २ बर्ष देखि इटहरी उपमहानगरपालिका र भ्वाइसफ चिल्ड्रेन को सहकार्यमा सडक बालबालिकाको संरक्षण र ब्यबस्थापन गर्ने कार्य भइरहेको छ! बालबालिका को खानपिन को खर्चको ब्यबस्थापन नगरपालिकाले गर्दै आएको छ । भ्वाइस अफ चिल्ड्रेन मा हाल ३० जना सडक वालवालिकाले संरक्षण पाएका छन । उपप्रमुख लक्ष्मी गौतमका अनुसार इटहरीमा ९० प्रतिशत सडक वालवालिका इटहरी वाहिर वाट आउने गरेका छन ।
Discussion about this post