‘म केही गर्छु’ शिर्षकमा लघु चलचित्र बनाउनुहोस ,२ लाख ५० हजार जित्नुहोस्

‘म केही गर्छु’ शिर्षकमा राष्ट्रिय यूवा संघ नेपालले लघु चलचित्र प्रतियोगीताको आयोजना गर्ने भएको छ । लकडाउनका कारण घरमै बसिरहेका यूवाहरुको समयको सदुपयोग हुने भन्दै प्रतियोगिता आयोजना गरिएको हो ।

सहभागीले उद्यमशीलता र रोजगार, पर्यटन, कृषी तथा उद्योग, राजनीति र सुशासन, शिक्षा, स्वास्थ्य, खेलकुद, लैंगिक समानता र विविधता, कला संकृती र मनोरञ्जन लगायतका बिषयमा बढीमा ५ मिनेटसम्मको लघु चलचित्र बनाउनुपर्नेछ ।

सहभागीता जनाउनेले असार २५ गतेसम्म ‘म केही गर्छु’ बिषयमा स्क्रिप्ट वुझाउनुपर्नेछ । प्रथम हुनेलाई २ लाख ५० हजार, दोश्रो हुनेलाई १ लाख ५० हजार र तेश्रो हुने चलचित्रलाई १ लाख रुपैयाँ पुरस्कार प्रदान गरिने आयोजकले बताएको छ ।