‘रावायण’ को लागी मेहनत गर्दै पल, सुरु भयो एक्सन क्लास

भदौमा रिलिज हुने ‘रावायण’ को लागी मेहनत गर्दै पल, सुरु भयो एक्सन क्लास नेपाली म्युजिक भिडियोमा एक छत्र राज गर्दै नेपाली सिनेमा क्षेत्रमा पनि आफ्नो छुट्टै पहिचान बनाउन सफल चकलेटी हिरो पल शाहलाई रोमान्टीक अवतारमा नेपाली दर्शकहरुले खुब रुचाए । दर्शहरुले रुचाएको भन्दा अलिक अब फरक अवतरमा आउन लागेका पल यती बेला मेहनत गरिरहेका छन । उनले गरेको मेहनत चर्चित निर्देशक सुदर्शन थापाको ड्रीम प्रोजेक्टको रुपमा चर्चा भैरहेको फिल्म ‘रावायण’मा पलको एक्सन अवतार दर्शकले देखन पाउने भएका हुन ।

यसैको तयारीका लागि एक हप्ता यता पल एक्सन डिरेक्टर श्री श्रेष्ठको निर्देशनमा एक्सन सिकिरहेका छन् र अभ्यास गरिरहेका छन । दुई बर्ष यता पल फिल्ममा देखिएका छैनन । लामो समयको अन्तरलामा पल आउँदै गर्दा अब भने दर्शकले उनको लभर ब्वाई भन्दा भिन्न छविमा देख्न पाउने भएका हुन । पलको ‘रावायण’ भन्दा पहिला ‘पुजार सार्की’ फिल्म रिलिज हुने छ । त्यहाँ पनि पल लभर ब्वाई नबनेर भिन्नै चरित्रमा देखिदै छन । २०८१ भाद्र २१ गते तिजको दिन रिलिज मिति तोकिएको फिल्म ‘रावायण’ बैशाखबाट छायांकनमा जाँदैछ । सुदर्शन थापा प्रोडक्शन र पुजा शर्मा प्रोडक्शनको संयुक्त व्यानरमा बन्ने फिल्म सुदर्शन थापा र पुजा शर्मा मिलेर निर्माण गर्न लागेका हुन् ।

फिल्मको मुख्य कलाकारहरुमा पलसंगै पुजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुन जगं शाही, शर्मिला मल्ल, प्रदिप ढकाल लगायतका कलाकारहरुको अभिनय रहने छ । रावायणको संगीतको सम्पूर्ण काम मुम्बईमा गरिएको छ । फिल्ममा शिवम अधिकारीको लेखन, सौरभ लामाको छायांकन, रामजी लामिछाने, बिक्रम स्वारको कोरियोग्राफी रहने छ ।