अनमोल केसीले साइन गरे ‘हनी बनी’

निर्देशक दिवाकर भट्टराईको निर्देशनमा बन्न लागेको चलचित्र ‘हनी बनी’ मा सुपर स्टार अन्मोल के.सी अनुबन्धित भएका छन । लभस्टोरी जनरामा बन्न लागेको ‘हनी बनी’ चलचित्रलाई दुई दिन स्क्रिप्ट पढेर साइन गरे हुन । अनमोल के.सी कुनै पनि चलचित्र साइन गर्नु भन्दा अगाडी लामो समय लगाउथे ।

‘हनी बनी’ को छायांकन मार्च महिनाबाट लण्डनमा हुनेछ । एबी इन्टरनेसनलको प्रस्तुतिमा गौतम प्रोडक्सन र भ्वाइस फिल्मस् लिमिटेडको सहकार्यमा यो चलचित्र बन्न लागेको हो । चलचित्रमा अमित बस्नेत, अजितकुमार थापा र परी रानाको लगानी रहनेछ । चलचित्रका कार्यकारी निर्माता अंकित गौतम हुन् ।

अन्मोल के.सी चलचित्र ‘एक्स ९’को तयारीमा थिए उक्त चलचित्रको लागि जुगा पनि पालेका थिए तार ‘एक्स ९’ को छायांकन अनिश्चित बनेपछि अनमोलले दिवाकर भट्टराईको निर्देशनमा बन्न लागेको नयाँ चलचित्र ‘हनी बनी’का लागि लिखित सम्झौता गरेका हुन् ।

अनमोल अभिनित चलचित्र ‘ए मेरो हजुर ४’ वैशाख १ गतेबाट रिलिज हुँदैछ ।