पुर्ण लिम्बुको सँगै सँगै सार्वजनिक (भिडियोसहित)

समाजसेवी गायकको नामले परिचित गायक तथा कलाकार पुर्ण लिम्बुको नयाँ गीत ‘सगै सँगै’ को म्युजिक भिडियो सार्वजनिक गरिएको छ । प्रदेशको जीवन त्यागेर अब आफ्नै देशमा रहेर गाउँघरमा भएको आफ्नो बाँझो जमीनलाई हराभरा बनाउन आफ्नै श्रीमती संगै संगै बस्ने निर्णय भएको भाव सार्वजनिक गीतमा देख्न सकिन्छ ।

प्रेम कृष्ण बजगाइको शब्द संगीत रहेको गीतमा पूर्णलाई अहिलेकी चर्चित गायिका रचना रिमालले साथ दिएकी छन् । गीतको छायाँकन र निर्देशन सुमन तामाङले गरेका छन् । म्युजिक भिडियोमा पूर्ण र मनिषा सुनुवार फिचर्ड छन् । क्यौ बर्ष बिदेशमा बसेर प्रदेशी जीवन कटाएपनि आफ्नै गाउँघर फर्केर केही गरौ भन्ने बिषयबस्तुलाई भिडियोमा गज्जबले प्रस्तुत गरिएको छ । गाउँघरको रहनसहन, खेतिकिसान सबैकुरालाई अर्गानिक रुपमा टपक्क दिपेर निर्देशक तामाङले भिडियो गज्ज्बको बनाएका छन् ।

धरान १२ स्थित होटल स्टारपुर्वीमा सम्पन्न भिडियो बिमोचन कार्यक्रमका प्रमुख अतिथी चर्चित निर्देशक मिलन चाम्स थिए । उनले उक्त कार्यक्रममा बोल्दै भिडियो राम्रो बनेको र सफलताको सुभकामना दिए । कार्यक्रममा चर्चित कलाकार, प्रेम सुब्बा, निर्देशक निर्माता तथा चलचित्रकर्मी महासंघ प्रदेश १ अध्यक्ष अरुण कुमार प्रधान, कलाकार निर्माता किशोर सम्बाहाम्फे, कलाकार दिनेश कोइराला लगयातहरुको उपस्थिती रहेको थियो ।