‘फर्की फर्की’ को दोस्रो गीत ‘अन्तिम माया’ सार्वजनिक

मेघा स्टार अनमोल केसी अभिनित जेठ १० गतेबाट प्रदर्शनमा आउन लागेको चलचित्र ‘फर्की फर्की’ को दोस्रो गीत रिलिज भएको छ । सार्वजनिक भएको गीतमा फिल्मका मुख्य कलाकार अनमोल केसी र जसिता गुरुङ फिचर्ड छन । दुई मुख्य पात्रको विछोडको मनोविज्ञानमा गीत समावेश छ जस्ले फिल्मको कथा सार, कथावस्तुको महत्वपूर्ण प्लट देखाएकोछ । पछील्लो पुस्ताका युवाहरुको ढुकढुकी अनमोल को यो फिल्म सबैको लागी प्रतिक्षित बनेको छ ।

यही फर्की फर्की को दोस्रो गीत अन्तिम माया आज रिलिज भएको छ । लगभग एकदशक अघी धरानका चर्चित पप गायक नरेन लिम्बुको शब्द ,संगीत र स्वर रहेको गीत लाई फर्की फर्की मा समाबेश गरिएको हो । गीतमा फिचर्ड भएका मुख्य कलाकारद्वय अनमोल केसी र जसिता गुरुङको प्रेम बियोगान्तमा पुगेर अन्त्य भएको देखिन्छ । यही बियोगान्तमा परेका जोडीको रुवावासी चलेको छ । रिलिज गीतलाई हेर्दा फिल्मको समाप्ती निकै ट्राजिडी देखिन्छ एक अर्कालाई गुमाउने देखिन्छ । फर्की फर्कीको पोस्टर ,टिजर ट्रेलर र टाइटल सङ रिलिज भैसकेको छ । ट्रेलर र टाइटल सङ दर्शकहरुले अत्यधिक रुचाएका छन त्यसैले पनि यो फिल्म निकै प्रतिक्षित बन्दै गएको छ ।

सुयोग गुरुङको लेखन तथा निर्देशनमा तयार भएको यो फिल्ममा रोहित अधिकारी र ओम प्रकाश अग्रवालको लगानी छ । फिल्ममा मनोज ओली र रामु न्यौपाने सह–निर्माता हुन भने मोती कार्की र अनीरुद्र गिरी कार्यकारी निर्माता हुन ।शनिबार सार्वजनिक गीतको शिर्ष गीतमा अभिनेता अनमोल केसी र अभिनेत्री जसिता गुरुङलाई रोमान्टिक अवतारमा प्रस्तुत गरिएको छ । उनीहरुको केमेष्ट्री गजब छ । नरेन्द्र मैनालीको छायांकन, सुरेन्द्र पौडेलको सम्पादन, रोमन बज्रचार्य र नरेन लिम्बूको संगीत तथा अष्ट महर्जनको द्वन्द्व निर्देशन र शंकर पाण्डे प्रोडक्सन म्यानेजर हुन । चलचित्रलाई गोविन्द शाहीको काफिया फिल्मस् र कुवेर सिने प्रोडक्सनले वितरण गर्दैछन् ।