</>
रियाद । अन्तर संस्था समन्वय समिति रियादका अध्यक्ष अमृत पौडेलले आफ्नो जन्मदिनको अवसरमा नेपालमा दैवी प्रकोपबाट प्रभावित तथा बाढीपीडितको राहत र पुनःस्थापनामा सहयोग पुर्याउने उद्देश्यले प्रधानमन्त्री दैवी प्रकोप उद्धार कोषमा रु. ५ लाख सहयोग गरेका छन्।
पौडेलले आफ्नो जन्मदिनलाई सामाजिक सेवासँग जोड्दै हरेक वर्ष आर्थिक सहयोग गर्दै आएको र यस वर्ष पनि सोही अभियानलाई निरन्तरता दिएको बताएका छन्।
उनले जन्मदिनको अवसरमा विभिन्न माध्यमबाट तथा प्रत्यक्ष उपस्थित भएर शुभकामना व्यक्त गर्ने सम्पूर्ण शुभचिन्तक, मित्र, परिवार तथा इष्टमित्रप्रति आभार व्यक्त गर्दै प्राप्त शुभेच्छाले सामाजिक सेवाप्रतिको जिम्मेवारी अझ बढेको बताए।
उक्त सहयोगमा दीपक रेग्मीले रु. २० हजार, खेमराज भट्टले रु. २० हजार, युवराज भण्डारी (भान्जा)ले रु. २० हजार तथा विष्णु घिमिरेले रु. ५ हजार सहयोग गरेका छन्।
पौडेलले मानवीय सेवाका लागि सहकार्य गर्ने सबै सहयोगीप्रति धन्यवाद व्यक्त गर्दै आगामी दिनमा पनि सामाजिक तथा मानवीय कार्यलाई निरन्तरता दिने प्रतिबद्धता व्यक्त गरेका छन्।
Discussion about this post