चलचित्र ‘शमशेर’मा नायक गौरव पहारी

चलचित्र ‘शमशेर’मा नायक गौरव पहारी अनुबन्धित भएका छन्। उनि अनुबन्धित भए संगै निर्माण पक्षले उनको डरलाग्दो रुप समेत पोस्टर मार्फत सार्वजनिक गरेको छ। चलचित्रमा उनि रागवको भूमिकामा देखिदै छन्।  
चलचित्रमा अर्का नायक मनिष राउत ‘शमशेर’को भूमिकामा देखिने छन् l उनको एक्सन अवतर समेत निर्माण पक्षले सार्वजनिक गरिसकेको छ। चलचित्रको फस्टलुक हेर्दा दुई नायकहरु बीचको लडाई चलचित्रमा देखिने आकलन गर्न सकिन्छ।  

एक्सन जनरामा बन्न लागेको चलचित्रलाइ  एभरेष्ट फिल्म एकेडेमी र डी आर डेनिमको सहकार्यमा निर्माण गरिन लागिएको हो l
चलचित्रमा अभिनेत्री भने फाइनल भैसकेको छैन l हाल निर्माण टिम अभिनेत्रीको खोजीमा छन् l चलचित्रको छायांकन काठमाडौँ, दुबई, सोलुखुम्बु र ढोरपाटनमा हुने छ। सीबर्ड्स इन्टरटेनमेन्टको ब्यानर रहेको चलचित्रमा  मनिष र गौरवको अलावा सुमन थापा, सबिन शाक्य, रुपेश कार्की, रुपेश लामा, आशिस पराजुली लगायतका कलाकारको अभिनय हुनेछ। चलचित्रमा अर्जुन पोखरेलको संगीत समावेश रहेको छ l