काठमाडौं २६ फागुन । गीतकार, कलाकार तथा सामाजिक अभियन्ता भूमिका सुब्बाको नयाँ राष्ट्रिय गीत समृद्धिको बाटो सार्वजनिक भएको छ । बुधबार युट्युब मार्फत रिलिज गरिएको हो ।गीतमा समृद्धिको लागि एकताको आह्वान गरिएको छ । समृद्ध नेपाल निर्माणका लागि रिष राग द्धेषलाई छोडेर अघि बढ्नु पर्ने भाव गीतमा समेटिएको छ । उहाँको मालिङ्गो सैसै, भूमिका र संगिनी तीनवटा सोलो एल्बम सार्वजनिक भइसकेको छ ।
आधा दर्जन भन्दा बढी सयुक्त गीतिसंग्रह बजारमा आएका छन् । उहाँको केहि समय अघि मात्र बनचरी सार्वजनिक भएको थियो । बाल्यकालबाटै कलाकारिता क्षेत्रमा लाग्नुभएकी सुब्बाले खासगरी जनवादी गायिकाको रुपमा परिचय बनाउनुभएको छ ।साजन राईको संगीत र स्वर रहेको यस गीतको किरण थापाले निर्देशन तथा सम्पादन गर्नु भएको छ ।
Discussion about this post