बाँकेको खजुरा ‘डि’ गाउँदेखि ‘इ’ गाउँसम्मको बाटो कालोपत्रे

खजुरा,२५ कार्तिक। बाँकेको खजुरा गाउँपालिकास्थित ‘डि’ गाउँदेखि ‘इ’ गाउँसमको बाटो कालोपत्रे गरिएको छ।

प्रदेश, संघ र गाउँपालिकाको सहयोगमा वडा नम्बर ४ को बाटो कालोपत्रे गरिएको वडा अध्यक्ष तिलकविर सुनारले जानकारी दिनुभयो।

अध्यक्ष सुनारका अनुसार एक नम्बर बजार प्रवेशद्वारमा ८ मिटर चौडाइमा बाटो पिच गरिएको छ भने भित्री क्षेत्रमा साढे ५ मिटर कायम गर्दै कालोपत्रे गर्ने काम अन्तिम चरणमा रहेको छ।

करिब ४ करोड लागतमा सम्पन्न हुन लागेको उक्त बाटोको गुणस्तरको लागि आफुहरुले निरन्तर अनुगमन गरिरहेको पनि अध्यक्ष सुनारले बताउनुभयो।