१० जनवरी २०२० तमु प्ये ल्हु संघ बहराइन, स्थापना अभियान समुहले तमु च्यु ल्होसार तयारी अवस्थामा

१० जनवरी २०२० बहराइन, गुरुङ जातिको विशुद्ध जातीय धर्मिक एवं सामाजिक संस्था तमु प्ये ल्हु संघ अभियान समिति बहराइनले आगामी १० जनवरी २०२० शुक्रबारका दिन आयोजना गर्न गइरहेको तमु च्यु ल्होसार पुर्ण रूपमा तयारी अवस्थामा रहेकोे च्यु ल्होसार संयोजक दिपेन्द्र लम तमुले जानकारी दिएको छ ।

बहराइनको राजधानी स्थित ब्लुमुन होटेलको सभाहलमा तमु फो ल्हो (मृग वर्ग) लाई बिदाई र तमु च्यु ल्हो (मुसा वर्ग ) लाई स्वागत गर्दै च्यु ल्होसार विशेष कार्यक्रम शुभकामना आदानप्रदान सहित संघले तमु (गुरुङ ) समुदायको मौलिक कुल-धर्म,भाषा,भेषभुषा,संस्कार र संस्कृतिको प्रदर्शन गरेर बहराइनबासि नेपालीहरुलाइ मनोरञ्जन समेत दिनेछ ।

प्ये म्हस्याँ छ्या म्हमु, छ्या म्हस्याँ ल्हु म्हमु, ल्हु म्हस्याँ म्हि म्हमु अर्थात शास्त्र हराए सस्कार हराउँछ, सस्कार हराए सस्कृती हराउँछ र सस्कृती हराए मानव अस्तित्व नै हराउँछ भन्ने मुल नारालाई आत्मसात गर्दै स्थापनाको लागि अभियान संचालन गर्दै आएको तमु प्ये ल्हु संघ बहराइन,स्थापना अभियान समितिले च्यु ल्होसार कार्यक्रममा उपस्थिति जनाई कार्यक्रमको शोभा बढाइ दिन बहराइनमा क्रियाशील सम्पूर्ण संघसंस्था, बुद्धिजीवी, समाजसेवी,भद्र – भलाद्मी,पत्रकार,कलाकार तथा आम नेपाली दाजुभाइ तथा दिदिबहिनीहरु लाई अनुरोध गरेको छ । उपस्थित सम्पुर्ण अतिथि महानुभावहरुलाई नि:शुल्क विविध नेपाली स्वादिष्ट खानाको परिकार ब्यवस्था गरिएको छ ।

पुनश्चव :
कार्यक्रम – तमु च्यु ल्होसार
मिति – १० जनवरी २०२० शुक्रबार
स्थान- ब्लुमुन होटेल सभाहल मानमा,बहराइन
समय- दिउँसो २:०० बजेदेखि
आयोजक – तमु प्ये ल्हु संघ बहराइन,स्थापना अभियान समुह